♍ 我愛到處趴趴走，困不住的宅媽 ♉

依兩個星期我真係冇一日瞓得好，我真係好攰好攰，
但係根本冇地方可以比我發洩。

阿婆走咗，姨婆又走埋，
依家老爺又入咗院。

我就唻煩死喇！

阿婆去咗，我真係有幾日唔開心，
諗起佢都會心up up。

人去咗就去咗，可以話一了百了，
在生嘅人依然要過日子，
所以唔開心幾日就一定要恢復原來嘅生活。

但係有另一件事另我更煩。

你可以話我係一個冷血自私嘅人，我只係平心靜氣咁去決定一件事。
時間，金錢，性命... 依三樣嘢你一日仲活係依個世上一日都會纏住你。
但係... 你有冇咁多時間... 有冇咁多金錢... 去換取你嘅性命呢？
係咪你付出咗時間，金錢... 就換得到性命呢？值唔值得呢？

唉... 我真係唔知點講好，
始終人生父母養，如果今日係我個仔有事，我盡我能力都會幫佢。
但... 我只可以講，果個始終唔係我父母，
我真係冇可能用我對我爸媽嘅心情態度同愛心去對佢哋。
我自問我已經好盡力咁做好一個新抱要做嘅嘢，
我已經好盡力咁係佢哋老人家面前做一個好新抱應該要有嘅態度。

我只係希望你決定做某ｄ事嘅時候，諗吓我，諗吓個仔，諗吓以後日子流流長，
係咪真係一定要咁做？

可能今日交換你同我嘅處境，果個係我老豆，
我可能都會咁做... 只係可能... 因為我冇咁嘅勇氣。

我真係好攰喇... 我好想放假... 我好想自己一個去旅行... 可以咩都唔理... 想去邊就去邊...

真係唔知邊日我會頂唔順... 唉...